10 Lang na Jinghpaw Wunpawng Hkrismat Poi Kaba
December 25, 2008
Lai wa 10 ning, 1999 ning Dec. 25 ya shani, U.S.A Virginia mungdaw Charlottesville mare, Slg. Dingra Tang Goon nta wang hta U.S.A East Coast, grau nna Mid-Atlantic Region, Washington D.C, Maryland, Virginia, Pennsylvania hte kaga ni nawn ai mungdan hkan na Jinghpaw Wunpawng sha ni sa du zup nna shawng ningnan lang ngu na Hkrismat Poi Kaba hpe wu wu di di galaw lai wa sai.
Dai hpang shaning hkan nna gaw Centerville, Virginia kaw shara shap nna 2000 kaw nna 2005 du hkra shaning shagu galaw ai. Matut nna 2006-07 laman gaw Sara Sumhka Seng Nan magam gun ai Maryland Mungdaw, Baltimore mare American Hkalup Hpung Nawku Jawng a n-pu htap kaw Hkrismat hpe lahkawng lang lu galaw la lu sai.
Dai ning na Hkrismat Poi gaw 10 ning wa ladu hkrum sai re majaw n-gun kalang bai dating la ai hku nna mi ningnan hpang wa ai Charlottesville mare hta bai galaw na matu tang shawn wa ai shaloi buga masha ni mung kabu gara hkap la ai hte Virginia mungdaw hta shanu nga ai ni Hkrismat byin tai lu na matu aja awa shakut shang lawm nga ma ai lam shana dat ai.
10 Lang na Jinghpaw Wunpawng Hkrismat Poi Kaba
Nhtoi: December 25, 2008
Aten: 12:00 P.M. - 4:00 P.M.
Shara: Charlottesville, Virginia
Matut Mahkai na: Kachin Christian Fellowship
