2011 January 10 Shatapru Manau Poi gara hku galaw na da law? (ningmu)

Masha utsang baw hpan n ginhka ai myit ra sharawng ai kadai mung shang lawm manau lu ai "Manau" gaw Jinghpaw wunpawng sha ni a htunghking manau san san sha re ai.

Kadai wa shang Sara lawm n ra ai. Tinang htunghking maka hpe tinang amyu kanu kawa Du salang ni lit la nga ai hte maren woi awn nna Manau kaji kaba law law kabu gara tsawm htap shingni lu ai Manau Poi ni hti n dang galaw wa ai Wunpawng amyu a htunghking manau she re ai.

mungdawnhtoimanau

Kadai Arawng Aya lu ai wa, hpaji ninghkring ni hpe mung garum hpyi, hpaji hpyi san la n ra ai. Tinang dai tinang galaw ai Manau hpe 2011 ning January (10) ya na Shatapru Manau gaw manau Sara galaw mayu ai ni grai nga wa ai shiga na lu yang Wunpawng amyu kadai wa a myit ngwi myit pyaw lawm lu nga a ni?

Hpaga kun rai bungli jawm galaw ai kaw (hpet tsat) hku jawm galaw yang awngdang lam lu tim htunghking poi hpe (hpet tsat) jawm pawng galaw wa ai hpe gara Wunpawng amyu sha ni mung gabu aw law madi shadaw lam n nga ai hkrai re ai.

Wunpawng htunghking Manau hta kadai Mung up ningbaw wa mung, kadai Maigan mungdan jinghku ni mung myit hpraw san kabu gara shang lawm, garum madi shadaw la ai hpe Wunpawng htunghking maka hte n shut n shai n hprai hkra hkap tau hkalum la dingyang rai nga ga ai.

2011 ning January (10) ya Shatapru Manau gaw Wunpawng amyu sha ni a Htunghking Manau maka hkrang shapraw ai Manau n rai sai majaw kalang mi, shara mi na Manau, ngu labau matsing sha rai u ga.