Mon, Lahu yan No.1 lang Naypyidaw UPDJC zuphpawng du

Feb. 27 UPDJU zuphpawng, NPRC rung, Naypyitaw

Daini pyen 2 pm jan kaw nna Naypyitaw e galaw ai UPDJC Munghpawm Simsa Lam Bawngban Ai Ginrun Komiti zuphpawng de ya hpang jahtum Myen asuya hte NCA sen htu ai, UNFC daphpawm malawm, Mon hte Lahu rawt malan hpung ningbaw ni shanglawm nga ai re.

Feb. 13 NCA mungdan ting gap hkat jahkring ga sadi sen htu ngut ai hpang, No.1 lang UPDJC (Union Peace and Discussion Joint Committee) zuphpawng de New Mon State Party (NMSP) hte Lahu Democratic Union (LDU), yan shanglawm lu ai lam re.

Dai zuphpawng hta NCA mahkrun hkap la sen ai hte seng nna mung NMSP hte LDU, yan sanglang mat na re lam chye lu ai.

Wunpawng Mungdan Shanglawt Hpung KIO gaw NCA hpe sen n htu ai, Myen mung Dingdung Daw Daphpawm (Northern Alliance-Burma) malawm re. NCA gaw Myen hpyendap shi ra ai hku sha rai mat ai majaw n lu hkap la ai re lam, KIO ginjaw salang ni tsun ai re.

Ndai 14 lang na UPDJC zuphpawng de Jinghpaw mungdaw na Kachin State Democracy Party, KSDP ningbaw Dr. Manam Tu Ja mung, shawoi na zawn, sa du shanglawm nga ai re.