ဆန္ဒပြ (၃)ဦး အမှု ချေဖျက်ပေးရန် ပြည်နယ်တရားရုံး ငြင်းပယ်

ကချင်ပြည်နယ် တရားလွှတ်တော်၊ မြစ်ကြီးနားမြို့

တပ်မတော် အသရေဖျက်မှုဖြင့် တရားစွဲဆိုခံထားရသော ကချင်လူငယ် ဆန္ဒပြ ဦးဆောင်သူ (၃)ဦး အမှုကို ချေဖျက်ပေးရန် ကချင်ပြည်နယ် တရားလွှတ်တော်မှ ခွင့်မပြုဘဲ မြို့နယ် တရား ရုံးတွင် အရင်တိုင်း ဆက်လက် စစ်ဆေးသွားရန် ယနေ့ ဇူလိုင် (၉)ရက်နေ့တွင် အမိန့် ချခဲ့သည်။

ဇူလိုင် (၃)ရက် ပြည်နယ်လွှတ်တော်သို့ တင်သွင်းထားသော အမှုတွဲချေဖျက်ပေးရန် လျှောက်ထားချက်ကို ပြည်နယ်အစိုးရမှ ငြင်းပယ်လိုက်ကြောင်း တရားခံများ၏ ရှေ့နေ ဦး မုန်ဆိုင်းတူး က ယခုလို ရှင်းပြသည်။

“ဒီနေ့ ကတော့ ကျွန်တော်တို့အနေနဲ့ လျှောက်လဲချက် တင်ထားပြီးတဲ့နောက် တရားသူကြီးမှ နောက်ဆုံး အမိန့်ချတာပါ။ ပြစ်မှု ရာဇဝတ်ဆိုင်ရာ ကျင့်ထုံး ဥပဒေ ပုဒ်မ (၅၆၁) နဲ့ အမှုတွဲကို ချေဖျက်ပေး ဖို့ တင်ထားတဲ့ဟာကို အမှု ချေဖျက် ဖို့ အကြောင်းမရှိဘူး။ အောက်ရုံးမှာဘဲ အရင်တိုင်းဆက်လက် စစ်ဆေးခြင်းပြုလုပ်ရမယ်လို့ အမိန်ချထားပါတယ်။”

တရားစွဲ ခံထားရသူများ အနေဖြင့် ၎င်းအမိန့်အား ကျေနပ်မှု မရှိပါက အထက်တရားရုံးသို့ ဆက်လက်တိုင်ကြားမှု ပြုလုပ်မည်ဖြစ်ပြီး အမိန့်အား ကျေနပ်ပါက အောက်ရုံးတွင်သာ အရင်တိုင်းဆက်လက် စစ်ဆေးခံသွားမည်ကြောင်းကို ရှေ့နေ ဦးမုန်ဆိုင်းတူး က ပြောသည်။

အမှုကို ဆက်လက်စစ်ဆေးရန် ပြည်နယ်တရားရုံးမှ ဇူလိုင် (၁၆) နေ့ ထပ်မံ ချိန်းဆိုထားကြောင်း သိရသည်။

ဧပြီလမှ စတင်သော ကချင်ပြည်နယ် ထိုးစစ်အတွင်း ပိတ်မိ ပြည်သူများကို တပ်မတော် ၏ တားဆီးထားခြင်းမှ လွှတ်ပေးရန် မေလ က မြစ်ကြီးနားမြို့ ကချင်လူငယ်ဆန္ဒပြပွဲကို ဦးဆောင်ခဲ့သူ့ ဦးလွမ်းဇောင်း၊ ဦးဇော်ဂျတ် နှင့် ဒေါ် နန်ပူ တို့ သည် တရားစွဲ ခံနေရခြင်းဖြစ်သည်။

KNG BURMESE WEBSITEKNG KACHIN WEBSITE
  • Popular

  • Latest