အာရှ ကရာတေး ချန်ပီယံ ကချင်လူငယ်များကို မြစ်ကြီးနား ကားဂိတ်တွင် လူထု ကြိုဆိုရန် ပြင်ဆင်

အာရှ ကရာတေး ချန်ပီယံ ကချင်လူငယ်များကို မြစ်ကြီးနား ကားဆိပ်တွင် လူထု ကြိုဆိုရန် ပြင်ဆင်

အာရှအဆင့် ၁၀ နိုင်ငံပါဝင်သော ကျိုရှင်းကာရာတေး စင်ကာပူ ဖိတ်ခေါ် ပြိုင်ပွဲ မှာ ချန်ပီယံ ဆွတ်ခူးရရှိခဲ့သော ကချင်ပြည်နယ်မှ ကာရာတေး ကစားသမားများကို မနက်ဖြန် သူတို့ မြစ်ကြီးနားကို ရောက်လာချိန် ကားဂိတ်တွင် ကြိုဆိုရန် ပြင်ဆင် နေကြပါသည်။

စက်တင်ဘာ (၈)ရက် နေ့ စင်ကာပူ မှာကျင်းပခဲ့သောပြိုင်ပွဲမှာ မြန်မာနိုင်ငံမှ (၁၈)ဦး ပါဝင်ခဲ့ပြီး ထိုအထဲ ကလေး လူကြီးအရွယ် (၁၅)ဦးမှာ ကချင်ပြည်နယ် မှ ဖြစ်ပါသည်။ ထို့အပြင် ရွှေတံဆိပ် (၄)ခု၊ ငွေတံဆိပ် (၂)ခု နှင့် ကြေးတံဆိပ် (၃)ခု ရရှိခဲ့သော သူများမှာ ကချင်ပြည်နယ်မှ ဖြစ်ကြသည်။

ထို့ကြောင့် မနက်ဖြန် သူတို့ ပြန်ရောက်လာမည့် အချိန် မြစ်ကြီးနား ကားဂိတ်တွင် သွားရောက် ကြိုဆိုပြီးနောက် မနောကွင်းတွင် ကျေးဇူးတော်ချီးမွမ်း ဆုတောင်းခြင်း အစီစဉ် ပြုလုပ်ရန် ကချင်လူထုမှ ကော်မတီဖွဲ့ ပြီး ပြင်ဆင်နေပြီ ဖြစ်ပါသည်။

ကချင်ပြည်နယ်မှ (၁၅)ယောက်ထဲတွင် စစ်ရှောင် ကလေးငယ် (၂)ဦး လည်း ပါဝင်နေပါသည်။

မနက်ဖြန် ဆုတောင်းကြိုဆိုပွဲအပြီး ရက်ပိုင်းအတွင်း မှာဘဲ ထူးချွန်သူများကို ချီးမြင့်မည့်အစီစဉ်ကိုလည်း ဆက်လက် ပြုလုပ်သွားရန် စီစဉ်ထားသည်။

KNG BURMESE WEBSITEKNG KACHIN WEBSITE
  • Popular

  • Latest