မြစ်ကြီးနားမြို့နယ် နေရာအချို့တွင် လုံခြုံရေးကြောင့် မဲဆွယ်ခွင့် မရ

မြစ်ကြီးနားမြို့နယ် နေရာအချို့တွင် လုံခြုံရေးကြောင့် မဲဆွယ်ခွင့် မရ
Share

မြစ်ကြီးနားမြို့နယ် အမျိုးသားလွှတ်တော် ကြားဖြတ်ရွေးကောက်ပွဲ အတွက် နေရာအချို့တွင် လုံခြုံရေးကြောင့်ဟု ဆိုကာ မဲဆွယ်စည်းရုံးရေး မပြုလုပ်ရန် ကန့်သတ်ထားသည်။

ဆင်ဘို၊ ဟိုကတ်၊ တီယန်ဇွပ် ကျေးရွာများတွင် ရွေးကောက်ပွဲကျင်းပပေးမည် ဖြစ်သော်လည်း မဲဆွယ်စည်းရုံးခွင့်ကို မြစ်ကြီးနားခရိုင် ရွေးကောက်ပွဲ ကော်မရှင်မှ ပိတ်ပြင်ထားခြင်းဖြစ်သည်။

နေရာတစ်ခုတွင် မဲဆွယ်နိုင်ရန် ၃ ရက် (၇၂ နာရီ) ကြိုတင် အသိပေးရသောကြောင့် နေရာအတွက် အခက်အခဲ ဖြစ်ခြင်း၊ စည်းမျဉ်း ပိုမို တင်းကြပ်ထားခြင်း နှင့် မဲဆွယ်နိုင်ရန် ကန့်သတ်နယ်မြေ ရှိခြင်း တို့ဖြစ်သည်ဟု ကချင်ဒီမိုကရက်တစ်ပါတီ KDP မှ ကိုယ်စားလှယ်လောင်း ဦးကွမ်ကရောင် အောင်ခမ်း ပြောပါသည်။

အမျိုးသားဒီမိုကရေစီအဖွဲ့ချုပ် NLD ပါတီ မှ ကိုယ်စားလှယ်လောင်း ဒေါ်ယမ်ခေါ်န် က “ဆင်ဘို မှာတော့ သွားပြီးပြီ။ ဟိုကတ် ကျေးရွာဘက်ကိုတော့ ကော်မရှင်က ပိတ်ထားလို့ မသွားတော့ဘူး။ တီယန်ဇွပ်ဘက်ကိုလည်း သွားဖို့ ကြိုးစားနေတယ်” ဟု ကချင်သတင်းဌာန KNG ကို ပြောပြသည်။

နိုဝင်ဘာ (၃)ရက် မြစ်ကြီးနားမြို့နယ် အမျိုးသားလွှတ်တော် ရွေးကောက်ပွဲတွင် ပါဝင်ယှဉ်ပြိုင်မည့် ကိုယ်စားလှယ်လောင်း စုစုပေါင်း (၆)ဦး ရှိနေပါသည်။

KNG BURMESE WEBSITEKNG KACHIN WEBSITE
  • Popular

  • Latest